ఈ పోస్టు మార్నింగ్ రాగా సినిమా గురించి కాదు , నన్ను ఏడిపించిన మార్నింగ్ రాగం గురించి 
!!
రెండేళ్ళ కిందట నేను ఇంజనీరింగ్ సెకండ్ ఇయర్ చదువుతున్న రోజుల్లో (ఇప్పుడు నేను 4th year) మా ఇంటి ముందున్న అపార్ట్మెంట్ లో ఒక ఇంజనీరింగ్ చదివే అమ్మయిల గుంపు ఉండేది … 5 గురు ఉండేవారు ఫ్లాట్ లో …. కొండముచ్చు జాతికి చెందిన రకాలు ….
మామూలుగా 8 కే లేచి కాలేజ్ వెళ్ళే నా స్కెడ్యూలు కాస్తా హాలిడేస్ రావడం తో రెగులర్ స్కెడ్యూల్ కి వచ్చేసింది … రాత్రి పొద్దుపోయేవరకు ఇంటర్నెట్ మీద ఉండి ..పొద్దున లేచే సరికి మధ్యాహనం ఒకటో … రెండో .. అయ్యేది .. మా ఇల్లు డుప్లెక్స్ కావడం తో నా రూం 1st ఫ్లోర్ లో ఉండేది … అదీ నా ఖర్మ కొద్ది … ఆ కోతుల రూం కి ఎదురుగా …
మొదటి రోజు … నేను లేచి బ్రష్ చేసుకోవడానికి బయట బాల్కానీ లోకి రాగానే … MS SUBBALAKSHMI వెంకటేశ్వర సుప్రభాతం వినిపించింది .. కోతుల ఫ్లాట్ లోంచి … హ ..హ .. వీళ్ళు కూడా మన బాపతే అనుకుకొని నవ్వుకున్నాను …. కానీ ఇలా రోజూ అవుతుండడం తో డౌటొచ్చి గమని0చడం మొదలెడితే అసలు విశయం తెలిసింది … వాళ్ళు సుప్రభాతం పెట్టేది నన్ను ఏడిపించడానికి .. తెల్లారింది … మన హీరో గారు లేచారు సుప్రభాతం వినిపించండి సారుకు అన్నట్లు అలా పెట్టేవారు … మొదట్లో ఎంబారసింగ్ గా కూసింత సిగ్గు గా అనిపించింది …. కానీ వాళ్ళకు భయపడేదేంటి … చెంఢాలంగా … అలా చేస్తే ఆ.భా.ని.స (అఖిల భారత నిద్రపోతుల సంఘం ) కి అన్యాయం చేసిన వాడిని అవుతానని , వాళ్ళ గోల పట్టించుకోకుండా నా స్కెడ్యూల్ కంటిన్యూ అయ్యాను …. కానీ వాళ్ళ గోల ఆగ లేదు … పైగా ఎంత వరకూ వెళ్ళారంటే ….” త్వరగా నిద్ర లేవడం వల్ల లాభాలు ” అంటూ నా నిద్ర ను దేశ ఆర్ధిక పరి స్థితి కి లింకు పెడుతూ ఒక 2 పేజీల ఆకాశ రామన్న లెటర్ రాసారు నాకు …దీనికి తోడు మా అమ్మ ‘చూడు సెలవులైనా ఆ అమ్మాయిలు ఎంత చక్కగా పొద్దున్నే లేచి ఎంత చక్కగా చదువుకుంటున్నారో .. ‘ అంటూ విశేశ్కారాలు మొదలెట్టేది …చిర్రెత్తిపోయింది … కానీ ఏం చేయలేని స్థితి … వెళ్ళి నా నిద్ర నా ఇష్టం మీకేంటి బాధ అని లెఫ్ట్ అండ్ రైట్ ఇద్దామంటే … కనీస పరిచయం కూడా లేదు … పైగా ఐదుగురు ఆడ రౌడీలు … లాగి ఒకటి ఇచ్చారంటే … వా… అనుకుంటూ ఇంటికి వెళ్ళాల్సిందే … చివరకు ఇలా అయితే కాదని బస్స్ స్టాప్ దగ్గర మాటేసి … వాళ్ళల్లో
ఇద్దరు కనిపించ గానే వెళ్ళి అసలేంటి మీ బాధ …. అని అడిగి కడిగి పారేసాను . ఏంమాట్లాడకుండా కిస .. కిస నవ్వుకుంటూ వెళ్ళిపోయారు … అందరూ కలిసి ఏంఅనుకున్నారో ఏమో మొత్తానికి గోల ఆపేసారు , సారీ కూడా చెప్పారు …. మెళ్ళగా మంచి ఫ్రెండ్స్ కూడా అయ్యారనుకోండి .
ఇంతకీ ఈ సుత్తంతా ఎందుకంటే .. ఈ మధ్య CAT exam కి సంభంధించి బెంగళూరు లో IIM ఇంటర్వ్యూలు అట్టెండ్ అయ్యాను .. అక్కడ ఇంటర్వూ లో ” నీకు జీవితం లో ఎదురైన మోస్ట్ ఎంబారసింగ్ సంఘటన ఏది ? అందులోంచి ఎలా బయట పడ్దావ్ ” అని ఓ అడిగారు .. ఈ కధ పూర్తి గా చెప్పేసరికి నా సెలక్షన్ సంగతి దేవుడెరుగు .. జ్యూరీ మొత్తం నవ్వుతూనే ఉన్నారు … ఇప్పుడు మాత్రం మార్నింగ్ రాగా కంటే జ్యూరీ నవ్వులే మరింత ఎంబారసింగ్ గా అనిపిస్తుంది … , ఈ పోస్ట్ చదివి మీరు కూడా అలా ఫీల్ అయితే నేనేమీ చెయ్యలేను … 
, అయితే నాదో ఎదవ కొచ్చనీ మీకు జీవితం లో ఎదురైన అత్యంత ఎంబారసింగ్ సీన్ ఏది ??
ఎనీ suggestions ?? సపరేట్ Doamin ఉంటే తప్ప WordPress అవసరం లేదనిపిస్తోంది , look n’ feel మాత్రం WordPress లో బావుంది !!
